جدول للعنايه برمضان ..

**

السلام عليكم و رحمة الله و بركاته  ،،
اشتقت لهالمكان كثير و الصراحه اشتقت لكم بكل مكان ماعدا سناب شات ناشبه لكم هههههه
 رمضان باقي عليه ايام قليله جدا الله يبلغنا اياه سالمين غانمين لا فاقدين و لا مفقودين يارب
ففكرت معكم و شاورتكم على موضوع الجدول برمضان للعنايه بالجسم و الشعر و البشره
طبعا بأقل وقت ممكن

اللي حابه انوه عليه قبل اوريكم الجدول هو موضوع المباغته
اللي اقصده انو انتي تكوني مروقه ما تعتني ببشرتك ابد و فجأه تتبعي اي نظام بالدنيا للعنايه
بيقلب معك عكس لانو بشرتك لسى مو متعوده انها تنغسل باليوم مرتين و كريم و حفله
بتعطي ردة فعل عكسيه ع الاأكيد
يعني انتي تخيلي انو فجأه اهلك غيرو معاملتهم لك
وش بتكون ردة فعلك اكيد الاعتراض مهما كان او ع الاقل الاستغراب نفس الشي مع بشرتك المسكينه
فلو كنتي ماتهتمي ابدددد من قبل انصحك تبدي حبه حبه

الشي الثاني انو ابغاكم تعرفو انو هذا الجدول يمديك تغيري فيه اي شي ما تحبيه
يعني مثلا انتي عندك ماسك مرا نتايجه فعاله معاك استخدميه ،
 اللي انا حاطته اكثر شي مدحوه تقريبا اغلب البشرات

و بقولكم بعد ما حبيت اكثر بالخطوات و الاشياء عشان نكون مهتمين اكثر بجانب العباده
و غير انه شهر يعني مده قصيره بعالم العنايه لو استخدمتي اي شي بتطلع نتيجته ع الاقل بشهرين
فركزت انا ع الترطيب و التقشير لأنو اضمن شي و نتايجه مرضيه لحد كبير .

نبدأ اوريكم الجدول

هذا هو " طبعا هذه صوره فقط الرابط بنهاية التدوينه "

لو لاحظتو اني تقريبا مسكت كل حته بيك
 بالاضافه انو لمن تحملي الملف راح يكون مشروح فيه كل الخلطات و الماسكات و كل خطوه تقريبا .

هالجدول للتوضيح فقط "الملف فيه اربع جداول لكل اسبوع جدول ابتدأ من ١ - ٢٧ رمضان "

ملاحظات :
١- المربع اللي فيه X هو اليوم اللي ما تسوي فيه هالشي يعني مثلا المقشر + الماسك للوجه " المفروض انك ما تسوينها يوم الأحد " لكن يوم الاثنين تسوينه .
٢- المربعات الفاضيه المفروض انك بعد كل ما تخلصي هالشي تحطي فيه صح و بنهاية الاسبوع راح تجمعي النقاط
و المفروض انه يكون عندك مجموع النقاط الموضح لو كنتي منجزه كل الجدول .
٣- روتين الوجه راح يكون صباح و مساء اذا سويتيه بس صباح او بس مساء راح تنحسب ب نص نقطه .
٤- الايام الاخيره من رمضان راح نستمر بنفس الخطوات لكن الافضل انه يكون مثلا ازالة الشعر و كذا بعد الخطوات حقتنا
و لو صادف مثلا يوم قصك لشعرك هو نفسه يوم التزييت يفضل تكنسلينه .
٥- يوم ٢٨ بيكون للحمام مغربي .
٦- يوم ٢٩ بيكون يوم تنظيف البشره و هذه تدوينه خاصه بهذا الموضوع .

طبعا هذا كله كان بهدف ترتيب الوقت و نطلع بطله كلها نضاره بالعيد
و الاهم اننا نحاول نوفر وقت اكبر للعباده ، طبعا حاولت قد ما اقدر انه ما نضيع اكثر من ساعه خلال هالروتين
طبعا بحالة تزييت الشعر او الماسك للوجه ممكن خلال هالوقت بدل ما تجلسي بس تسوي اي شغله ثانيه
لا تضيعي وقتك ابد استغلي كل ثانيه برمضان لانه فرصه ، يمكن ما تعوض ، الله يعطينا طولة العمر ع الطاعه يارب .

هذا رابط مباشر بصيغة pdf تفتح بكل الاجهزه ان شاء الله ويمديكم تتطبعونها بعد ،



اضغطي هنا 


طبعا الابديت اليومي و مشاركة الحدث لحظه بلحظه ب سناب شات
و حنبسط مرررا لمن ترسلو لي جداولكم و كيف ماشيين فرمضان ان شاء الله
حسابي بسناب شات : daloola_care
حسابي بالانستقرام : daloola_22

اتمنى من قلبي يكون عجبكم الجدول و تتطبقوه
و استودعتكم الله الذي لا تضيع ودائعه ..